Dan enn soley dife
- Publicité -
Transport mwa dan lamer
Divan to lizie
- Publicité -
Mo lam sansib, dan enn lemond imaziner
- Advertisement -
Ser mwa for kont twa
Kouma enn ti-baba dan profon somey
Ser mwa for kont twa
Protez mwa kont bann serpan dibwa
To linosans donn mwa lezel
Plizir petal ekrir zis to nom
To parol gagn gou dimiel
Enn kado lavi, enn sekre imortel
Ser mwa for kont twa
Kouma enn ti-baba dan profon somey
Ser mwa for kont twa
Protez mwa kont bann serpan dibwa
To lamour kouler flanbwayan
Samem mo pli gran boner
Sak kouler pinso pou touletan
Les bann fler pran lafors dan later
(Urvashi Babajee)
