Edision Anou koz parol zordi pe prezant enn rezime-adaptasion enn lartik ki finn fek paret dan liv Angajé, Explorations Into the History, Society and Culture of Indentured Immigrants and Their Descendants in Mauritius. Liv-la, li enn koleksion lor trwa volim, kot pe tret diferan laspe ki lie avek travay angaze dan Moris. Volim I, li fokalize lor bann premie letap sistem travay angaze; Volim II konsantre lor linpak travay angaze dan Moris, ek Volim III, li konsakre lor peryod ki vinn apre travay angaze. Atraver so rezime-adaptasion, Shameem Oozeerally pe propoz nou, zordi, enn reflexion lor listwar Bhojpuri ek so evolision dan Moris.
