De retour depi dir marenwar some later
Zwenn vermiyon rankinn sou ta reverber
Ma! Pa! Zot eklerer – mo premie profeser
Dir mo zorey kot’inn pase bann bon reper
Enn swiv lot listwar sanses rapel vis lager
Ranpli mwa sa tablo ki va zet valid lalimier
Lao tonn mepri mefians sofe’ek plin ranker
Kifer tandans konfli al’lwin dan nou interyer
Ki defann zom met de’kote tou laswaf fezer
Komie krwayans sourse dan lespri kalkilater
Kwinse dan bouyonnman, epe lapang divizer
Tradir zom loulou so sanblab dan tou manier
Larm laswer an gout desann ziska profonder
Rwinn a-lextrem mem dernie lavenn imaniter
Ki depans reklam pa’inn fer lor lesel planeter
Enn fas promouvwar trete – lantant temerer
Lor lot plan taktik pous for detrir lesans frer
Partou pe lamant fey a rasinn ki avan ti ver
Si’ek tou bon sans ti reini zefor nouri boner
Tou shan’d’batay debarase kiltiv zardin fler
Redonn later, lesiel, ler, zot vre dign valer
Sourir zame pou dekoul depi vizaz nikleer
Si dilizans silans tollere larmoni trouv kler
Ki dir lape pou’instore par politik dezorder
Zanfan serir lwin ek diel defi lamour anfler
Lavi san konpare profit bien liberte san’per
Ki kantite kolonb bizin batt lezel anvol lezer
Mem nou nam pale kwar dan mazik lapriyer
Aprann konn lavi prop san konsians idantiter
Lape dan sak enn lemond sort depi nou leker
Pou li personn lao laba pou sov nou posteryer
Parmi sakenn pionie lape meday napa neseser
Obzerv tou lemosion ek panse kouma spektater
Nou mem metr abor re-definir lot letan siperyer
Tou yer aster lot-ler – anou lasans fer linvanter
Loter – NAD’N KAROONANIDEE MANIKKAM
