Sans oeillères ni coton…

Piment rouge ek piment cabri
Eta Ti-Louis … Ki position? Toujours sa sourire narquois la. Mo bien croire to pé prend beaucoup plaisir ces derniers temps.
— Pas causé, pas causé brother. Je suis aux anges. Sa bane zafer la, fer gagne riyé même, mais mo croire dimoune la so ban cévé pé dressé et li pé stressé en même temps.
— Ah bon, ki pé arrivé Ti-Louis? Raconté.
— Hein aster-là to népli kone rien toi. Sinois neuf toi. Assez avec sa ban rôle-là pou paie sa bien cher ene jour.
— Ti-Louis arrête fer to simagré “come to the point”. Expliqué, mo un peu pressé zordi.
— Pressé tout. En tout cas Marc & Spencer li pou ena tout so letemps aster. Lundi même fine ena liquidation. D’après l’enquête «de novo», Ti-Rouge pas fine content avec sa polar.
— Avec sa fraîcheur ki pe fer la, so polar pas fine chauffé. Bien grave sa. D’après l’ordre Ti-Louis mo bien croire que Marc & Spencer ena ene ti problème de gestion. Ala mo dire toi pas trouve sa étrange qui mettre la clé sous le paillasson.
— Mo bien croire moi aussi, d’après l’énquête «de novo» so 14 près pou 28. Laisse mo dire toi – mais to koné toi pas dire ki mo fine dire – so zafer bien pas bon. Li stressé boug la. So leker pé balancé kouma dire bato lors dilo.
— Sa kalité pression la Ti-Rouge pe mettre lors li. Pas facile sa man…
— Ki Ti-Rouge, pas li sa. Piment rouge ek piment cabri qui pé mette pression lors li. Pression la tellement rouge, si li sape dans poélon li tombe dans difé l’enfer. Sa même to trouvé ki li pé fèle sa ban l’examen.
— Ti-Louis kan zot dire ki Maurice c’est un plaisir. Vrai même sa. Mais pas pou tout dimoune sa. Mais so plaisir pé vine l’enfer. Aster la ki pour fer, en carry Piment?
— Moi ce ki mo koné li pou ena un peu létemps pour réflechi aster la.