TEX : KAVINIEN KARUPUDAYYAN
ILISTRASION : LAKSHMI CHINIAH (7 ans)
Kan nou alim lalanp aswar
pou fet Lalimier anou gard
enn panse pou tou dimounn ki pe soufer,
ki dan lamizer, enn lamizer
pa selman materiel me ousi emosionel
anou partaz saki bon ek saki meyer
pa zis zour fet Lakshmi me toulezour ki Bondie finn done
enn ti bonzour, enn ti sourir
pa zis lor figir me ki sorti depi fon Leker
lerla kitfwa nou Lemond pou vinn enn tigit meyer
lerla kapav Limanite pou regagn so bote
ek lerla kitfwa ousi nou Landime pou plis eklere
anou gard Tagore so lekritir dan Lespri ek dan Leker:
“Pou resof Leker enn lalanp ki timid,
Lanwit dan so splander
alim tou so Zetwal.” *
* Poem « Fireflies » par Rabindranath Tagore finn piblie an 1928.