Sans oeillères ni coton…

Kestions pour un champion
— Eta Ti-Louis, kot to pé aller vite vite koum sa? Dans conférence ICRAV?
— Icave? ki été enn nouveau souval sa?
— Eta Ti-Louis, kouma dire to pas koné ki grand grand conférence pé faire dans Maurice lors intégrité l’industrie lécourse ek protection souval. Président Federation Internationale des Autorités Hippiques, Missé Romanet fi ne vine Maurice.
— Hein sa même mon trouvé enn tas fi gur avec Innocent IV samedi. Mo ti croire qui ti pé alle consacré enn lotte saint. To koné sa ban zafer-la mo pas trop koné. En plus to vine dire moi ki zot pé vine cause intégrité lé course. Mo espérer ki sa ban dimoune ki fi ne vini zot koné ki passé «chez nous». To koné toi Are Nou Non.
— Ti-Louis pas cause kouma sa. Ena invité dans Maurice bizin donne enn bon zimage nous lécourse.
— Héin to ki pé cause zimage? Décodeur la fi ne cassé, zimage fi ni freez, même Romario pas pour capave fer nanien. To pas trouvé même Président pé dire zafer pas bon.
— Pas Romario Ti-Louis, Romanet…
— Sa même. Dire Romanet si li trouve sa normal qui Innocent IV fer fête avec so ban cardinaux dans so lacaz? Dire Romanet si le Grand Blond gagne droit alle dans diner propriétaires ek ban jockeys? En lotte, demande li STP si conclave gagne droit refuse écoute doléances ban fi dèles ou encor demande Innocent IV si ban propriétaires gagne droit fer pool betting dans l’écurie…
— Ayo Ti-Louis, ki sa ban question la sa? To pou créé problème…
— Problèmes, banne problèmes la li déjà la, sauf qui zot fi ne mettre li Under the Carpet.